Kami sampaikan didalam lagu
aturan tantang nyo hukum tanah pusako
acok didanga yo mamak saja dahulu
iko manjadi oi kanduang silang sangketo
biapun dusun nan jo taratak
sawah jo tabek baladang nan jo rimbo
dari lah niniak oi kanduang turun ka mamak
sampai ka kito yo sanak jadi pusako
indak bahitam oi di ateh putih
indaklah ado basurek ba katarangan
supakaik kaum oi mangkonyo buliah
kalau di jual oi kanduang jo di gadaikan
Hukumnyo tanah iyo bakabuang
adaiknyo sawah yo mamak nan bapamatang
kok nan kuaso yo sanak bundo kanduang
iyo limpapeh oi kanduang rumah nan gadang
nan laki-laki untuak panjago
tanah pusako oi kanduang jan nyo lindang
malu di kaum yo mamak talataknyo
sako kok jadi oi sanak ladang urang
yo bara bana oi sakik nan datang
sakik kok lai oi kanduang dapek di tahan
tanah pusako oi si niniak moyang
Indaklah buliah oi kanduang bapindah tangan
salah di adaik sarato cupak
carikan undang yo malah dalam agamo
sawah jo ladang yo mamak mangko balupak
gangamlah arek oi kanduang pusako lamo
Tajamnyo alah calakpun nyato
tingga di bao oi kanduang nan manyampaikan
adaiknyo alah oi kanduang syarak pun ado
tingga dek kito yo sanak nan mamakaikan
kabeklah arek oi kunci lah santuang
iduik didalam oi kanduang yo padamaian
iyo dek ulah oi pusako guntuang
mangko ka timbua oi kanduang yo patangkaran
Vocal : Heri Tanjung & dewi titin
Cipt : Ujang Virgo
Tidak ada komentar:
Posting Komentar