Minggu, 15 Januari 2012

Indang Pariaman RAGAM DUYA

indak talabiah yo takurang ndeh sanak ei
lai sasuai jo papatah yo kanduang ei ..
kalau sakali ayia gadang yo mamak ei ..
nan sakali tapian pindah
kalau sakali ayia gadang yo mamak ei...
nan sakali tapian pindah

parubahan alam di ta'asia yo sanak ei
ado baiak ado nan salah yo kanduang ei
ado cancang manjadi ukia yo mamak ei ..
ado ratak mambao pacah
ado cancang manjadi ukia yo mamak ei ..
ado ratak mambao pacah

sansailah badan e e e ..dek ragam duya
sansailah badan e e e ..dek ragam duya

lamo hiduik banyak di rasai yo sanak ei ..
jauah jalan banyak basuo ndeh kanduang ei
dahulu adaik nan bapakai ndeh mamak ei
kini kok pitih nan paguno

dulu basingguang mangko kanai ndeh sanak ei
ateh kudo lakek palano ndeh kanduang ei
kini anau mamanjek sigai yo mamak ei
nan dek pitih talampok sajo

sansailah badan e e e ..dek ragam duya
sansailah badan e e e ..dek ragam duya

barapo banyak nan basuo ndeh sanak ei ..
dahulu bajak pado jawi ndeh kanduang ei ..
tuga tahantak pagi cako ndeh mamak ei
jaguang babungo kalam hari
tuga tahantak pagi cako ndeh mamak ei
jaguang babungo kalam hari

ameh buliah pandaki gunuang ndeh sanak ei ..
nan dek padi sagalo jadi ndeh kanduang ei ..
malam tibo di tangah lakuang yo mamak ei ..
nan dek ayia indak tatimbo

sansailah badan e e e ..dek ragam duya
sansailah badan e e e ..dek ragam duya

Vocal : Amriz Arifin

Tidak ada komentar:

Posting Komentar