Pituah Minangkabau - harok kabuliah cameh kahilangan

source : http://armenzulkarnain.wordpress.com 
----------------------------------------------------------------------------------------------------------------------

Harok Kabuliah Cameh Kahilangan.

Kok ka buliah jan harok bana, kok ka hilangan jan cameh bana.

Pulangkan sajo kapado Nyo Allah SWT nan Maha Kuaso, kito hiduik dalam aturan Nyo.

Iduik bakulik dunia, mati bapandam tanah, dari iqamat ka takabia..

Bara bana cito dirangkuah, auih batambah latiah juo,

Samakin dipaluak kurang nan ado, itulah harakat nafsu nan ko.

*****

Musibah indak bisa tahalangi, kok untuang indak dapek diraih, malang pun indak dapek ditulak. Bapuluah tahun mungkin kito mancari, kok indak razaki di badan nanko, usah marisau ka dalam hati. Sabanyak apo cobaan nan dihadapi, sabanyak itu pulo iman dipataguah.

Usaha wajib dilakukan untuk meraih cita-cita yang kita inginkan. Namun dunsanak, selain ikhtiar diperlukan doa sebagai permintaan kehadirat Allah SWT. Janganlah merasa risau apabila tidak terkabulkan seperti keinginan kita, untuk itu diperlukan rasa berserah diri kepada Allah, yakin akan mendapatkan yang terbaik dalam hidup ini.

Terkadang kita merasa tidak beruntung, merasa tidak memiliki daya dibanding dengan dunsanak yang lain. Sesungguhnya rasa iri & hawa nafsu adalah godaan hidup ini, karena nafsu pulalah kita terjerumus ke jalan kebathilan. Kok nafsu basobok jo syaitan cando bensin bakawan jo api.

Kok manggaleh awak, usah kicuah nan dipabanyak, kok bakarajo awak, usah buruak urang dipatageh. Sabanyak apo razaki nan didapek, kalau indak batua jalannyo….yo ka marugikan diri awak surang. Apolai nan alah bakaluarga, jan diagiah anak jo bini hasil karojo nan indak elok, manjadi kasam dikamudian hari, tataruang awak sakaluarga.

Hiduik nan ko, yo sakucuiknyo sajo, karano dunia tampek awak baibadah, sebagai hamba Tuhan Allah. Memang paralu untuak mancari, tapi nan mancari tu tantu jo jalan nan batua. Kok urang bisa dipadutoi, diri surang indaklah kamungkin ka dikicuah.

Sasa kamudian indak paguno, manjadi sio-sio dalam kahidupan kito. Urang minang nan tanamo pun indaklah sakayo bana. Tadisabuik  H. Agus Salim, Muhammad Hatta, ataupun Buya Hamka, namun dek jaso-jaso baliau pulo sagalo nan ado di nagari awak nan ko banamo Indonesia bisa dinikmati basamo.

Indak ado mukasuik ka manggurui, hanyo sebagai bahan renungan kito basamo, semoga bermanfaat, amin ya Rabbal alamin.

Q.S. Surat Al-`Ankabūt 69